Descripción
Martín Feito ye un escritor neurasténicu que tien la mala suerte de que-y dean una beca lliteraria. La primera novela de Xaime Martínez, Premiu Nacional de Poesía 2019.
Martín Feito ye un escritor neurasténicu que tien la mala suerte de que-y dean una beca de creación lliteraria. Ensin una idea clara sobre la quÆescribir y sabiéndose un piraván, decide retirase en busca dÆinspiración al pueblu de Chaneces, aldea con poques cases y menos vecinos asitiada nun valle domináu pola Central, una esplotación térmica que gobierna tola redolada cola so imponente chimenea y el runfíu constante de los sos motores.
Lo que nun sabe Martín Feito yera que nesos mesmos montes de Chaneces tán abellugaos Manulón el de Porgüechu y los sos camarades, últimos resistentes dÆuna partida guerrillera que nun se quier dar al Imperiu y colos que lÆaspirante a novelista combaya, llevando y trayendo llectures a espaldes de la fuercia pública que los persigue. ,
Asina, ente visites clandestines a los fugaos, intentos fatos de cortexar a una ceramista lesbiana, de combayar colos parroquianos que lu desprecien y cacíos de café puro, pasen los díes de Martín Feito, ensin que seyamos a dixebrar lo que ye real de lo que produz la mente hiperventilada del xuntalletres.
La fuercia o les 4 epifaníes de Martín Feito ,ye una novela de vaqueros y vaqueiros, protagonizada por un escritor alloriau que se mete nun enguedeyu curiosu. Una obra sorprendente y perinxeniosa quÆamuesa tol universu creativu de Xaime Martínez, un territoriu que va dende la mitoloxía grecollatina hasta les historietes de superhomes.
